१० असार २०८३, बुधबार
अर्घाखाँचीमा मंगलबार पहिरोले गोठ पुरिँदा एक जनाको मृत्यु भएको छ ।
अविरल वर्षाका कारण जिल्लाको शितगंगा नगरपालिका वडा नम्बर– १३, सिमलपानीमा गोठमाथिबाट खसेको पहिरोले पुरिँदा ३५ वर्षिया विष्णु थापाको मृत्यु भएको जिल्ला प्रहरी कार्यालय अर्घाखाँचीले जनाएको छ ।
पहिरो खस्न थालेपछि पशु चौपाया फुकाउन गोठमा पसेका थापालाई पहिरोले च्याप्दा घटनास्थलमै थापाको मृत्यु भएको हो ।
घटनास्थलमा अहिले उद्धार तथा व्यवस्थापनको काम चलिरहेको वडाअध्यक्ष दुर्गाबहादुर बीसीले जानकारी दिए ।
