२८ जेठ २०८३, बिहीबार
नेकपा माओवादी केन्द्रको केन्द्रीय कमिटीको पूर्ण बैठक बस्नु अगाडि प्रदेश परामर्श बैठक शुरू भएको छ ।
स्थायी कमिटी बैठकको निर्णयअनुसार बुधबार बागमतीबाट परामर्श कमिटीको बैठक शुरू भएको हो । बागमतीकै बैठक बिहीबारसम्म चल्नेछ ।
सरकारबाट बाहिरिएको माओवादीले संगठनात्मक गतिविधि अगाडि बढाउने तयारी गरेको छ ।
प्रदेशको परामर्श समिति बैठक बस्ने र केन्द्रीय कमिटीबाट थप कार्यक्रम घोषणा गर्ने तयारी माओवादीको छ ।
गत बिहीबार बसेको माओवादी केन्द्रको स्थायी कमिटीको बैठकले असोजको पहिलो साता केन्द्रीय कमिटीको बैठक बस्ने निर्णय गरेको थियो ।
परामर्श समितिको बैठकमा प्रदेशबाट केन्द्रमा प्रतिनिधित्व गर्ने केन्द्रीय सदस्य, प्रदेशका पदाधिकारी र सिनियर नेता सहभागी हुन्छन् ।
यस्तो छ प्रदेश परामर्श बैठकको तालिका
• बागमती प्रदेशका के.स. तथा प्रदेश पदाधिकारीहरूको बैठक भदौ ५ र ६ गते ।
• उपत्यका विशेष तथा सम्पर्क समन्वय प्रदेशमा कार्यरत के.स. तथा प्रदेश पदाधिकारीहरूको बैठक भदौ ७ र ८ गते ।
* गण्डकी प्रदेशका के.स. तथा प्रदेश पदाधिकारीहरूको बैठक भदौ ९ र १० गते ।
•सुदूपश्चिम प्रदेशका के.स. तथा प्रदेश पदाधिकारीहरूको बैठक भदौ १२ र १३ गते ।
* कर्णाली प्रदेशका के.स. तथा प्रदेश पदाधिकारीहरूको बैठक भदौ १४ र १५ गते ।
• लुम्बिनी प्रदेशका के.स. तथा प्रदेश पदाधिकारीहरूको बैठक भदौ १६ र १७ गते ।
* तीन वटै केन्द्रीय आयोगका सदस्यहरूको बैठक भदौ १८ र १९ गते ।
• मधेश प्रदेशका के.स. हरूको बैठक भदौ २२ र २३ गते ।
• पूर्व, १ नं प्रदेशका के.स. तथा प्रदेश पदाधिकारीहरूको बैठक भदौ २४ र २५ गते ।
• ज.व.श मोर्चामा कार्यरत पार्टी के.स. हरू र केन्द्रीय विभागहरूमा कार्यरत पार्टी के.स. हरू को बैठक भदौ २७ र २८ गते ।
• प्रवास प्रदेशमा कार्यरत पार्टी के.स. हरू तथा प्रदेश पदाधिकारीहरूको बैठक भदौ ३१ असोज १ गते ।
• जेष्ठ कम्युनिस्ट मञ्च र केन्द्रीय सल्लाहकारहरूको बैठक असोज २ र ३ गते ।
