अवकाशमा जना लागेका प्रहरी अतिरिक्त महानिरीक्षक श्यामलाल ज्ञवालीसहितका प्रहरी अधिकृतहरूको रिटमा सर्वोच्च अदालतले अन्तरिम आदेश दिन अस्वीकार गरेको छ ।

सर्वोच्च अदालतका न्यायाधीशद्वय सपना प्रधान मल्ल र कुमार चुडालको संयुक्त इजलासले बिहीबार उक्त रिटमा अन्तरिम आदेश दिन अस्वीकार गरेको हो । उक्त रिटलाई अग्राधिकार भने प्रदान गरिएको छ ।

दर्जाअनुसार विभिन्न उमेरमा हुने अवकाश कार्यान्वयन नगर्न माग गर्दै एआईजी श्यामलाल ज्ञवाली, डीआईजीहरु यज्ञविनोद पोखरेल, केदार ढकाल, राजेशनाथ बाँस्तोला र इन्सपेक्टर नागेन्द्र ठाकुरले  सर्वोच्चमा रिट दायर गरेका थिए ।​​

पद अनुसारको उमेरहदका कारण उनीहरू अनिवार्य अवकाशमा जाँदैछन् ।

प्रहरी किताबखानाले उनीहरूलाई अवकाशको पत्रसमेत पठाइसकेको छ ।