१५ असार २०८३, सोमबार
मध्य केन्याको एउटा विद्यालयको छात्रावासमा आगलागी हुँदा कम्तीमा १७ विद्यार्थीको मृत्यु भएको छ । न्येरी काउन्टीको हिलसाइड एन्डारासा एकेडेमीमा करिब मध्यरातमा आगलागी भएको हो ।
आगलागीको समयमा बालबालिकाहरू सुतिरहेका थिए । आगलागीबाट केही विद्यार्थी घाइते भएका छन् ।
घटनास्थलमा फेला परेका शव चिन्न नसकिने गरी जलेका छन् । घटनास्थलमा थप शव फेला पर्ने सम्भावना छ।
आगो के कारणले लागेको हो भन्नेबारे थाहा नभएको त्यहाँको प्रहरीले जनाएको छ । रासस
