२२ असार २०८३, सोमबार
कैलाली कारागारमा एक जना थुनुवाको मृत्यु भएको छ ।
हाडनाता करणी मुद्दामा कारागार चलान भएका घोडाघोडी नगरपालिका-४ का २३ वर्षीय दीपक विकको सोमबार साँझ मृत्यु भएको जिल्ला प्रहरी कार्यालय कैलालीले जनाएको छ ।
दिउँसो साढे ३ बजे कारागारको शौचालयमा लडेको अवस्थामा भेटिएका विकको उपचारका क्रममा सेती प्रादेशिक अस्पतालमा मृत्यु भएको कार्यालय कैलालीका डीएसपी कविन्द्रसिंह बोहोराले जानकारी दिए ।
उनका अनुसार विकको शव परीक्षणका लागि प्रादेशिक अस्पतालको शव गृहमा राखिएको छ । घटनाबारे अनुसन्धान भइरहेको उनले बताए ।
