२१ जेठ २०८३, बिहीबार
महोत्तरीमा पोखरीमा डुबेर एक जनाको मृत्यु भएको छ । जिल्लाको पिपरा गाउँपालिका-१ खैरवा गाउँस्थित ननु पोखरीमा डुबेर एक जनाको मृत्यु भएको हो ।
मृत्यु हुनेमा गाउँपालिका-१ खैरा बस्ने अजय राउतका छोरा ८ वर्षीय धिरज राउत रहेका छन् । उनको बुधबार दिउँसो डुबेर मृत्यु भएको प्रहरीले जनाएको छ ।
यसैगरी सिन्धुलीको कमलामाई नगरपालिका-६ पानी ट्यांकीमा डेरा गरी बस्ने १९ वर्षीय लालबहादुर खपाङ्गीको पनि मरिण खोलामा डुबेर ज्यान गएको छ । गोलन्जोर गाउँपालिका-५ खनियाखर्क घर भएका उनको बुधबार दिउँसो कमलामाई नगरपालिका-२ स्थित मरिण खोलामा डुबेर मृत्यु भएको प्रहरीले जनाएको छ ।
पौडी खेल्ने क्रममा डुबेर बेपत्ता भएका उनको शव फेला परेको प्रहरीले जनाएको छ ।
