२६ जेठ २०८३, मंगलबार
त्रिभुवन राजपथअन्तर्गत नौबीसे–नागढुंगा सडकखण्डको झ्याप्ले खोलामा एउटा बस आइतवार बिहान पुरिएको अवस्थामा भेटिएको छ ।
बसको केही भाग मात्र देखिएकाले नम्बर खुल्न नसकेको धादिङ प्रहरीले जनाएको छ । त्यहाँ डोजर प्रयोग गरेर पहिरो पन्छाउने तयारी भइरहेको छ ।
गोरखाबाट शुक्रवार बिहान काठमाडौंका लागि छुटेर सम्पर्कविहीन भएको भनिएको बस यही हुन सक्ने आशंका गरिएको छ । तर त्यही हो भनेर यकिन भइनसकेको जिल्ला प्रहरी कार्यालय, गोरखाका डीएसपी रमेशकुमार श्रेष्ठले लोकान्तरलाई बताए ।
शुक्रवार धार्चे गाउँपालिका–७ लापुबेसीबाट काठमाडौंका लागि छुटेको ना ४ ख २२७० नम्बरको यात्रुवाहक बस सम्पर्कविहीन भएको छ ।
उक्त बस शुक्रवार राति १० बजे धादिङको नौबीसेसम्म आएपछि सम्पर्कविहीन भएको हो । उक्त बस लापुबेसीबाट बिहान ७ बजे छुटेको थियो ।
झ्याप्ले खोलामै शनिवार दुईवटा बस पुरिएको अवस्थामा फेला परेका थिए । ती बसबाट १४ जनाको शव निकालिएको थियो ।
