नेपाल टेलिकमले कर्पोरेट ग्राहकहरूका लागि 'मल्टिपल टीभी' जडान गर्ने व्यवस्था गरेको छ ।​​

यसअन्तर्गत ४ वटा वा सोभन्दा बढी टीभी जडान गर्ने कर्पोरेट ग्राहकले सहुलियत दरमा बेसिक तथा प्रिमियम प्याकेजहरू खरिद गर्न सक्ने टेलिकमका प्रवक्ता हरि ढकालले जानकारी दिए ।

उनका अनुसार ४ देखि १० वटा टीभी जडान गर्ने ग्राहकले प्रति सेटअप बक्स २ हजार ९ सय ३८ रुपैयाँमा १ वर्ष वारेन्टीसहित खरिद गर्न सक्नेछन् ।

यस्तै, ११ वटाभन्दा बढी टीभी जडान गर्ने ग्राहकले प्रति सेटअप बक्स २ हजार ८ सय २५ रुपैयाँमा १ वर्ष वारेन्टीसहित खरिद गर्न सक्ने कम्पनीले जनाएको छ ।

थप जानकारीका लागि १९८ कल गरेर वा नजिकैको कार्यालयमा सम्पर्क गर्न सकिने छ ।