कलाकार दीपकराज गिरीले आफूलाई महानायक भनेर कतिपयले खिसिटिउरी गरेको भन्दै आक्रोश पोखका छन् । सामाजिक सञ्जालमा गिरीलाई ‘महानायक’ भनेर ट्रोल हुने क्रम नरोकिएपछि उनले आक्रोश पोखेका हुन् । 

उनले आफूलाई सामाजिक सञ्जालमा ‘महानायक’ भन्नेलाई ब्लक गरिदिने चेतावनी दिएका छन् । 

‘आजबाट जस–जसले मलाई महानायक सम्बोधन गर्नुहुन्छ, उहाँलाई मेरो फेसबुकमा ब्लक गर्दैछु । यो पद न मैले कहिले दाबी गरेको थिएँ, न गर्नेछु’, उनले शुक्रबार फेसबुकमा भनेका छन्, ‘तर, मैले बारम्बार भन्दा पनि भेडापन्थी देखाउने मानिस कमसेकम मेरो फेसबुकमा जोडिन सक्दैन । फरक विचार स्वागत, असभ्यता अस्वीकार ।’