२६ जेठ २०८३, मंगलबार
ट्राफिक प्रहरी कार्यालय रोल्पाका कार्यालय प्रमुख प्रहरी नायब निरीक्षक ललितकुमार बुढाथोकी घुस रकमसहित पक्राउ परेका छन् ।
सवारी साधनलाई आवत-जावत गर्न सहजीकरण गरिदिए बापत सेवाग्राहीसँग २५ हजार रुपैयाँ घुस लिएको आरोपमा अख्तियार दुरुपयोग अनुसन्धान आयोगको टोलीले उनलाई पक्राउ गरेको हो ।
आयोगको बुटवल सम्पर्क कार्यालय नेपालगञ्जबाट खटिएको टोलीले बुढाथोकीलाई सोमबार रङ्गेहात पक्राउ गरेको अख्तियारका प्रवक्ता नरहरि घिमिरेले जानकारी दिए ।
सवारी साधनलाई आवत/जावत गर्न सहजीकरण गरिदिए बापत घुस मागेको सूचनाका आधारमा खटिएको आयोगको टोलीले उनलाई पक्राउ गरेको हो ।
थप अनुसन्धान भइरहेको आयोगले जनाएको छ ।
