२२ असार २०८३, सोमबार
नेपाल विद्युत् प्राधिकरणले काठमाडौंका विभिन्न स्थानमा आज बिहान १०:३० देखि मध्याह्न १२ बजेसम्म बिजुली कटौती गर्ने भएको छ ।
बलम्बु सबस्टेशनअन्तर्गत थानकोट फिडरमा पर्ने नैकाप, बलम्बु, चुनदेवी, खहरे, दशचोकलगायत क्षेत्रमा प्राविधिक जडान कार्यका लागि बिजुली कटौती हुने प्राधिकरणले जनाएको छ ।
प्राधिकरणले फिडरअन्तर्गत सम्पूर्ण क्षेत्रका ग्राहक वर्गमा पर्न गएको असुविधाप्रति क्षमा मागेको छ ।
तोकिएको कार्य निर्धारित समयअगावै सम्पन्न भएमा पहिल्यै बिजुली प्रवाह हुने सूचनामा उल्लेख छ ।
