०१ असार २०८३, सोमबार
राजदूत डोरनाथ अर्यालले ओमानका यातायात, सञ्चार तथा सूचना प्रविधिमन्त्री साइद बिन हमुद बिन साइद अल मावलीसँग भेटवार्ता गरेका छन् ।
आइतबार भएको भेटका क्रममा उनीहरूबीच नेपाल र ओमानबीच सिधा हवाई उडान शुरू गर्ने विषयमा छलफल भएको छ ।
नेपाली राजदूतले ओमान र नेपालबीचको हवाई सम्पर्क विस्तार गर्न आग्रह गरेका ओमानस्थित नेपाली राजदूतावासले जनाएको छ । मन्त्रीले यस विषयमा सकारात्मक प्रतिक्रिया दिएका छन् ।
त्यसैगरी, सूचना प्रविधि र अन्य द्विपक्षीय सहकार्यका विविध विषयमा पनि बैठकमा छलफल भएको थियो ।
भेटवार्तामा ओमान मन्त्रालयका उच्च पदाधिकारी र नेपाली राजदूतावासका द्वितीय सचिव विशेषकुमार साहको उपस्थिति रहेको थियो।
