काठमाडौंको कमलपोखरीमा ग्यास सिलिण्डर विष्फोट हुँदा ११ जना घाइते भएका छन् ।  घाइते हुनेहरू सोही पसलका कामदार हुन् । 

आज बिहान सानदार मःम पसलमा ग्यास सिलिण्डर विष्फोट भएको उपत्यका प्रहरी कार्यालयका एसएसपी शेखर खनालले लोकान्तरलाई जानकारी दिए । 

घाइतेलाई कीर्तिपुर अस्पताल लगिएको उनले बताए । घाइतेमध्ये एक जनाको अवस्था गम्भीर छ ।

विष्फोटपछि घरको सिलिङ भत्किएर खसेको छ । घटनास्थलमा नेपाल प्रहरीको टोली खटिएको छ । 

प्रहरीले खोजी कार्य जारी राखेको उनले बताए ।