१० असार २०८३, बुधबार
मोरङको धनपालथान गाउँपालिकाको कदमा मुस्लिम बस्तीमा आगलागी हुँदा जलेर दुई जना बालबालिकाको मृत्यु भएको छ ।
जिल्ला प्रहरी कार्यालय मोरङका एसपी नारायण चिमोरीयाका अनुसार उनीहरूको पहिचान भने भएको छैन ।
आगलागीबाट ६/७ घर जलेका छन् । आगलागी अझै जारी रहेको उनले बताए ।
नियन्त्रणका लागि स्थानीय, दमकल र प्रहरी खटिएको मोरङ प्रहरीले जनाएको छ ।
साना छाप्रा घर र परालको माचसमेत घरकै छेउमा रहेकाले आगोले उग्ररूप लिएको प्रहरीले जनाएको छ ।
