उन्नति कल्चरल भिलेजको आयोजना तथा नेपाल थारू संघको सहआयोजनामा 'थारू सांस्कृतिक प्रदर्शनी' सम्पन्न भएको छ ।​

पश्चिम नवलपरासीको बर्दघाट नगरपालिका वडा नम्बर ७ बेलहानीस्थित उन्नति कल्चरल भिलेजमा सम्पन्न कार्यक्रममा उद्योगपति तथा सांसद विनोद चौधरी धर्मपत्नीसहित पुगेका थिए । उनीहरू दुवै जना थारू पहिरनमा थिए । दुवै जनाको पहिरनले थारू संस्कृतिलाई झल्काएको थियो ।

‘थारू संस्कृति, थारू खाना, हाम्रो पहिचान’ नारासहित प्रदर्शनीको आयोजना गरिएको हो ।

प्रदर्शनीमा थारू समुदायको पहिचान झल्काउने घर, विविध स्टल र खानाका परिकारहरू राखिएको थियो ।

सांसद चौधरीले थारू समुदायको विकासका लागि सरकारले विशेष ध्यान दिनुपर्ने बताए। नेपाल बहुसांस्कृतिक मुलुक भएकाले थारू सभ्यता जगेर्ना गर्न विशेष कार्यक्रम आवश्यक रहेको उनले उल्लेख गरे।