१५ असार २०८३, सोमबार
त्रिविअन्तर्गतको आंगिक क्याम्पस पद्माकन्यामा नेविसंघको आधिकारिक उम्मेदवारलाई हराउँदै नेविसंघकै स्वतन्त्र उम्मेदवार भूपेश्वरी ऐर निर्वाचित भएकी छन् । नेविसंघकी पूर्णिमा परियारलाई पराजित गर्दै ऐर सभापतिमा निर्वाचित भएकी हुन् ।
भूपीले ७३० मत पाएर स्ववियु सभापतिमा निर्वाचित हुँदा उनको निकटतम प्रतिस्पर्धी नेविसंघकी पूर्णिमाया परियारले ३७९ मत पाइन् ।
ऐर नेतृत्वको विद्रोही प्यानल निर्वाचित भएको छ । नेविसंघबाट दुई जनाको उम्मेदवारी परेपछि विवाद हुँदा चैत ५ गते हुनुपर्ने स्ववियु निर्वाचन चैत ७ गते मात्र भएको थियो ।
यस्तै, सचिवमा संन्ध्या बस्याल र कोषाध्यक्ष संकल्पिका थापा विजयी भएका छन् । सदस्यहरू उर्वशी पाण्डे, चेतना महर्की, अस्मिता विक, स्वस्तिका विष्ट, आशु चौधरी, आकृति पाण्डे, निशा कार्की र यानसु कटवला विजयी भए ।
पद्मकन्याको स्ववियु निर्वाचनका लागि एमाले र माओवादी केन्द्र निकट विद्यार्थी संगठनहरूले गठबन्धन गरेका थिए । पद्मकन्यामा लामो समयपछि नेविसंघको दबदबा छ ।
