मधेश प्रदेशका मुख्यमन्त्री सतिशकुमार सिंहसहित तराई–मधेशका केही नेताले भारतको उत्तर प्रदेशका मुख्यमन्त्री आदित्यनाथ योगीसँग भेटवार्ता गरेका छन् ।

आदित्यनाथलाई भेट्न नेपालका नेताहरू यूपीको राजधानी लखनौं पुगेका थिए ।

मधेश प्रदेशका मुख्यमन्त्री सिंहसहितका नेताहरूले बिहीबार आदित्यथानलाई भेट गरेका हुन् ।

भेटमा नेपाली कांग्रेसका नेता एवं पूर्वसांसद अभिषेकप्रताप साहलगायतका नेता उपस्थित थिए । 

मुख्यमन्त्री सिंहले आदित्यनाथलाई जानकी मन्दिरको तस्वीरसहितको फ्रेम उपहार दिँदै नेपाल भ्रमणको निमन्त्रण दिएका छन् ।​

राजावादीको कार्यक्रममा एक जना प्रदर्शनकारीले आदित्यथानको तस्वीरसहितको पोस्टर बोकेको विषय नेपालमा चर्चा भएको थियो ।