नेपाली कांग्रेसको केन्द्रीय कार्यसम्पादन समिति बैठकमा परराष्ट्रमन्त्री आरजु राणा देउवाको खोजी भएको थियो ।

पार्टी मुख्यालय सानेपामा आइतबार बसेको केन्द्रीय कार्यसम्पादन समितिको बैठकले भर्खरै भारत भ्रमणबाट फर्किएकी मन्त्री राणाको खोजी भएको हो ।

भर्खरै भारत भ्रमणबाट फर्किएपछि आरजुले नेपालमा सरकार परिवर्तनबारे भारतले कुनै चासो नदिएको अभिव्यक्ति दिएकी थिइन् ।

उनको अभिव्यक्तिपछि कार्यसम्पादन समितिमा केही सदस्यले ‘परराष्ट्रमन्त्री पनि आएको भए हुने’ भनेका थिए । ‘परराष्ट्रमन्त्री कार्यसम्पादन समितिमा हुनुहुन्न तर उहाँको अभिव्यक्तिपछि अर्जुनरसिंह केसीले उहाँ पनि बैठकमा आएर बिफ्रिङ गरेको भए हुने थियो भनेर कुरा उठाउनुभयो,’ कांग्रेसका एक नेताले भने ।