०५ साउन २०८३, मंगलबार
नेपाल विद्युत् प्राधिकरणको अवस्थाबारे श्वेतपत्र जारी गरिने भएको छ । मंगलबार राति बसेको सञ्चालक समितिको बैठकले श्वेतपत्र जारी गर्ने निर्णय गरेको हो ।
१० वर्षमा २८ हजार ५०० मेगावाट उत्पादन गर्ने लक्ष्यअनुसार विद्युत् खरिदबिक्री सम्झौता (पीपीए) खुला गर्न सैद्धान्तिक सहमति प्रदान गर्ने पनि बैठकले निर्णय गरेको सञ्चालक समिति सदस्य रतन ऐरले जानकारी दिए ।
बैठकले विपन्न समुदायका लागि राहतको प्याकेज घोषणा गर्ने पनि निर्णय गरेको छ।
प्राधिकरणको कार्यकारी निर्देशकमा हितेन्द्रदेव शाक्यले पदभार ग्रहण गरेकै दिन बसेको बोर्ड बैठकले यस्तो निर्णय गरेको हो ।
यसअघि कुलमान घिसिङ र ऊर्जामन्त्री दीपक खड्काबीच मनमुटाव हुँदा लामो समयदेखि प्राधिकरणको बोर्ड बैठक बस्न सकेको थिएन ।
सोमबार बसेको मन्त्रिपरिषद् बैठकले कुलमानलाई हटाएर हितेन्द्रदेवलाई प्राधिकरणको कार्यकारी निर्देशक नियुक्त गर्ने निर्णय गरेको थियो ।
प्राधिकरणका नवनियुक्त कार्यकारी निर्देशक शाक्यले मंगलबार दिउँसो लोकान्तरसँग कुरा गर्दै श्वेतपत्र निकालेर प्राधिकरणको अहिलेको अवस्थाबारे छर्लङ्ग पारिने थिए ।
