२४ जेठ २०८३, आइतबार
भारतको झारखण्डमा दुईवटा मालसामान रेलहरू ठोक्किँदा दुई जनाको ज्यान गएको छ ।
मंगलबार बिहान झारखण्डको साहिबगञ्जमा भएको दुर्घटनामा दुवै चालको ज्यान गएको समाचार एजेन्सी पीटीआईले जनाएको छ ।
दुर्घटनामा चार जना घाइते भएका छन् । दुवै रेल सरकारी पावर कम्पनी एनटीपीसीका थिए ।
दुर्घटना भएको ट्र्याक पनि एनटीपीसीको हो । यो ट्र्याक मुख्यतया पावर प्लान्टहरूमा कोइला ढुवानी गर्न प्रयोग गरिन्छ ।
