नेपाल बार एसोसिएसनको नयाँ नेतृत्वका लागि भएको निर्वाचनको मतगणना जारी छ । जारी मतगणनामा सत्ता समीकरण निकटका उम्मेदवार विजयप्रसाद मिश्रले लगातार आफ्नो अग्रता बनाइरहेका छन् ।

पछिल्लो नतिजाअनुसार मिश्रले ३३८९ मत प्राप्त गरेका छन् । उनका निकटतम प्रतिस्पर्धी रमणकुमार श्रेष्ठले १५४१ मत प्राप्त गरेका छन् ।​​ 

यसैगरी, अध्यक्षका अन्य उम्मेदवार राजु कैतीले ३८, आशिष पौडेलले ३३  र उज्वल घिमिरेले १७ मत पाएका छन् ।

यस्तै, उपाध्यक्षमा पदमप्रसाद लिम्बूले ३५५८ मत प्राप्त गर्दा उनका निकटतम प्रतिस्पर्धी कर्णबहादुर राईले ११९० मत ल्याएका छन् ।​

अर्को उपाध्यक्षमा अजयशंकर झाले ३५४५ मत पाएका छन् भने प्रमोद प्रसादले ११७८ मत पाएका छन् । ​

२७औं केन्द्रीय कार्यसमितिको २५ सदस्यका लागि ५७ जनाबीच चुनाव भएको थियो । कार्यसमिति चयन गर्न ९ हजार ९५७ मतदाता रहेकामा ८० प्रतिशत मत खसेको थियो । ​

बारको नयाँ कार्यसमितिका लागि शनिबार मतदान भएको थियो । काठमाडौं र बाहिर गरी जम्मा ३६ वटा मतदान केन्द्रमा मतदान भएको थियो ।

हेर्नुहोस् अहिलेसम्मको मतपरिणाम :