सुर्खेत उपत्यका नगर विकास समितिमा कार्यरत सहायक लेखापाल खड्कबहादुर राना पक्राउ परेका छन् ।

अख्तियार दुरुपयोग अनुसन्धान आयोगको टोलीले उनलाई बुधबार पक्राउ गरेको हो ।

आयोगका प्रवक्ता राजेन्द्रकुमार पौडेलका अनुसार आर्थिक वर्ष २०७६/७७ देखि २०८०/८१ सम्म संकलन गरेको राजस्व रकम हिनामिना गरेको भन्ने उजुरीका आधारमा अनुसन्धानका लागि उनलाई नियन्त्रणमा लिइएको हो ।

आयोगको सुर्खेत कार्यालयबाट खटिएको टोलीले रानालाई सम्बन्धित कागजातसहित नियन्त्रणमा लिएको हो । 

थप अनुसन्धान भइरहेको आयोगले जनाएको छ ।