प्रतिनिधिसभा सदस्य प्रेमबहादुर आलेले सङ्गीतकर्मी सङ्घ सुदूरपश्चिम प्रदेश समितिका वरिष्ठ उपाध्यक्ष अमर लामाको उपचारका लागि आर्थिक सहयोग गरेका छन् । 

लामो समयदेखि बिरामी भई महाराजगञ्जस्थित त्रिभुवन विश्वविद्यालय शिक्षण अस्पतालमा उपचाररत लामालाई हिजो अस्पतालमै गएर भेटगरी आलेले २५ हजार सहयोग गरेको उनका स्वकीय सचिव हेमन्त रेग्मीले जानकारी दिए ।

डोटीको बडीकेदार गाउँपालिका–३, देवलका लामा लोक तथा दोहोरी गायक हुन् । गत चैत १७ गतेदेखि कैलालीको धनगढीस्थित मायामेट्रो अस्पतालमा भर्ना भई निरन्तर उपचाररत उनलाई वैशाख १४ गते काठमाडौं ल्याइएको थियो ।