१५ असार २०८३, सोमबार
युक्रेनी राष्ट्रपति भोलोडिमिर जेलेन्स्कीले युद्ध अन्त्य गर्ने बारेमा छलफल गर्न आफू तयार रहेको बताएका छन् । बिहीबार टर्कीको इस्तानबुलमा रुसी राष्ट्रपति भ्लादिमिर पुटिनको पर्खाइमा हुने उनको भनाइ छ ।
अमेरिकी राष्ट्रपति डोनाल्ड ट्रम्पले टर्कीमा रुससँग प्रत्यक्ष वार्ताको प्रस्ताव स्वीकार गर्न युक्रेनलाई माग गर्दा उनले यो बयान दिएका हुन्।
"अब अरु ज्यान गुमाउनुको कुनै अर्थ छैन। म आफैं बिहीबार टर्किएमा पुटिनको प्रतीक्षा गर्नेछु," जेलेन्स्कीले एक्समा लेखेका छन्।
जेलेन्स्कीले पहिले नै युक्रेन रुससँग वार्ता गर्न तयार रहेको बताइसकेका छन् । तर यसका लागि पहिलो शर्त युद्धविराम लागू हुनुपनर्ने उनको भनाइ छ ।
शनिबार राति, रूसी राष्ट्रपति पुटिनले युक्रेनलाई "गम्भीर वार्ता" को लागि आमन्त्रित गरेका थिए ।
रुस-युक्रेन युद्ध सन् २०२२ मा रुसले युक्रेनमाथि आक्रमण गरेपछि सुरु भएको थियो।
