०४ असार २०८३, बिहीबार
काभ्रेपलाञ्चोकको बनेपा नगरपालिका–४ स्थित रामेश्वर दाहालको घरमा भएको आगलागीमा करिब १२ लाख रुपैयाँ बराबरको क्षति भएको छ । गएराति साढे १ बजेतिर विद्युत सर्ट भई दाहालको दुईतले कच्ची घरमा अचानक आगलागी भएको प्रहरीले जनाएको छ ।
स्थानीय बासिन्दा र प्रहरीको सहयोगमा राति साढे २ बजे आगो नियन्त्रणमा लिइएको थियो ।
इँटाको पर्खाल र जस्ताको छानो भएको उक्त घरमा आगलागीका कारण घरभित्र रहेको अन्नपात, भाँडाकुडा, लत्ताकपडा लगायतका सबै सामग्री पूर्ण रूपमा नष्ट भएको प्रहरीले जनाएको छ । आगलागीबाट मानवीय वा चौपायजन्य क्षति भने नभएको प्रहरीले पुष्टि गरेको छ।
घटनाबारे थप अनुसन्धान भइरहेको प्रहरीले जनाएको छ।
