२८ जेठ २०८३, बिहीबार
काठमाडौं, १८ मंसिर– कांग्रेस नेता गगन थापालाई लक्षित गर्दै बम विस्फोट गराएको आशंकामा प्रहरीले २२ जनालाई पक्राउ गरेको छ ।
काठमाडौं प्रहरी परिसरका एसएसपी रविन्द्र धानुकले उनीहरुलाई चपली क्षेत्रबाट नियन्त्रणमा लिएका जनाए ।
बम पड्एिलगत्तै प्रहरीले उनीहरुलाई नियन्त्रणमा लिएर अनुसन्धान गरिरहेको धानुकले बताए । प्रहरीले वम विप्लव नेतृत्वको नेपाल कम्युनिष्ट पार्टीका कार्यकर्ताले विस्फोट गरेको आशंका गरेको छ । थापालाई लक्षित गर्दै पड्काइएको बम किटली बम रहेको प्रहरी अनुसन्धानले देखाएको छ ।
प्रहरीले थापाको अत्यन्त नजिक बम पड्किएको जनाएको छ । विस्फोटमा थापासहित १० जना घाइते भएका छन् । टाउको र ढाडमा चोट लागेका थापा उपचारपछि घर फर्किएका छन् भने अन्यको शिक्षण अस्पतालमा उपचार भइरहेको छ । उनीहरुमध्ये ४ को अवस्था गम्भीर छ ।
