२९ जेठ २०८३, शुक्रबार
गएराति देशका धेरै ठाउँमा पानी परेको छ । हिजो दिउँसो कैलाली, कञ्चनपुरलगायत सुदूरपश्चिम र कर्णालीका केही ठाउँमा ठूलो पानी परे पनि राति केही कम भएको मौसम पूर्वानुमान महाशाखाले जनाएको छ ।
आज दिउँसो देशभर साधारणतया बदली रहने छ । दिउँसो कोशी, बागमती, गण्डकी र लुम्बिनी प्रदेशका केही ठाउँमा मुसलधारे पानी पर्ने सम्भावना रहेको महाशाखाले जनाएको छ । देशको उच्चपहाडी तथा हिमाली भूभागका केही स्थानमा हल्कादेखि मध्यम वर्षा र हिमपातको सम्भावना छ ।
त्यसैगरी, कोशी, मधेश, बागमती र गण्डकीलगायत देशका पहाडी भागका केही स्थानमा तथा अन्य भूभागका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ ।
राति पनि कोशी, मधेश, बागमती र गण्डकीका एक/दुई स्थानमा ठूलो पानी पर्ने सम्भावना छ ।
देशको उच्चपहाडी तथा हिमाली भूभागका केही स्थानमा हल्कादेखि मध्यम वर्षा र हिमपातको सम्भावना रहेका महाशाखाले जनाएको छ ।
हाल देशभर मनसुनी वायुको प्रभाव रहेको छ । हाल मनसुनको न्यून चापीय रेखा सरदर स्थानबाट उत्तरतर्फ पश्चिम नेपालको केही नजिक रहेको महाशाखाले जनाएको छ ।
