०६ असार २०८३, शनिबार
भक्तपुरमा टिपरको ठक्करबाट एक पैदलयात्रीको मृत्यु भएको छ ।
सूर्यविनायक नगरपालिका- ५ सिर्जनानगरस्थित सडकमा मंगलबार राति बा ४ ख ४८०१ नम्बरको टिपरको ठक्करबाट पैदलयात्री अन्दाजी ४५ वर्षीय पुरुषको मृत्यु भएको प्रहरीले जनाएको छ ।
उनको नाम, थर र वतन खुलेको छैन ।
टिपरको ठक्करबाट गम्भीर घाइते भएका उनको मध्यपुर अस्पताल ठिमीमा उपचारको क्रममा मृत्यु भएको हो ।
प्रहरीले टिपर चालकलाई नियन्त्रणमा लिएको छ ।
दुर्घटनाबारे थप अनुसन्धान भइरहेको प्रहरीले जनाएको छ।
