दार्चुलाको महाकाली नगरपालिका–४ खलंगास्थित महाकाली नदीको बीचमा अड्किएका पुरुषको सशस्त्र प्रहरीले सकुशल उद्धार गरेको छ ।

बाँकेको समशेरगञ्ज, अमेलिया बस्ने ३५ वर्षीय विक्रम केसीको बिहीबार सशस्त्र प्रहरीले उद्धार गरेको हो । उनी नदीको बीच भागमा रहेको ढुंगामा अड्किएर बसेका थिए । 

यसबारे जानकारी पाउनासाथ सशस्त्र प्रहरी बल नेपाल नं. ४४ गण दार्चुलाबाट सशस्त्र प्रहरी उपरीक्षक देवराज जोशीको कमान्डमा खटिएको विपद् व्यवस्थापन तालिम प्राप्त सुरक्षा फौजले उनको सकुशल उद्धार गरेको हो । 

उद्धार गरिएका केसीको मानसिक सन्तुलन ठीक नभएको बताइएको छ ।