नेकपा एकीकृत समाजवादीका महासचिव घनश्याम भुसालले वामदेव गौतम नेपालको कम्युनिस्ट पार्टीको जीवन्त आन्दोलन भएको टिप्पणी गरेका छन् । क्रान्तिकारी हुटहुटीको अर्को नाम वामदेव भएको भुसालको भनाइ छ ।

नेकपा एस र गौतम नेतृत्वको नेकपा एकता राष्ट्रिय एकता अभियानको एकता समारोहमा भुसालले गौतमको सक्रियता आफूहरूका लागि प्रेरणाको विषय भएको बताएका हुन् ।

‘वामदेव गौतम जीवित आन्दोलन हो, क्रान्तिका हुटहुटीको नाम हो,’ भुसालले भने, ‘जुनसुकै सन्नाटामा पनि उहाँ सक्रिय हुनुहुन्छ । राजनीतिको रूखबाट खसालिदियो भने पनि जर्याकजुरुक उठेर यसो गर्नुपर्छ भन्ने संकल्प गर्नुहुन्छ ।’