०७ असार २०८३, आइतबार
दाङमा सर्पले डस्दा एक जनाको मृत्यु भएको छ ।
मृत्यु हुनेमा राजपुर गाउँपालिका– ३ खरदरियाका ५५ वर्षीय शालिकराम यादव रहेका जिल्ला प्रहरी कार्यालय दाङका सूचना अधिकारी एवं प्रहरी नायब उपरीक्षक चक्रबहादुर शाहले जानकारी दिए ।
आज बिहान उनलाई घरभित्र सर्पले डसेको थियो ।
यादवको उपचारको क्रममा आज नै राप्ती स्वास्थ्य विज्ञान प्रतिष्ठान घोराहीमा मृत्यु भएको प्रहरीको भनाइ छ ।
शालिकराम यादव शङ्कर माध्यमिक विद्यालय खरदरियामा प्रधानाध्यापकको रूपमा कार्यरत थिए ।
