२४ जेठ २०८३, आइतबार
गएराति सुदूरपश्चिम प्रदेशको डोटी, अछाम, जाजरकोटलगायत जिल्लामा मध्यम वर्षा भएको हो । हाल बागमतीगायत गण्डकीका पहाडी भूभाग साथै मधेशलगायत बाँकी प्रदेशका पहाडी भू–भागका एक–दुई ठाएँमा मध्यम वर्षा भइरहेको मौसम पूर्वानुमान महाशाखाले जनाएको छ ।
आज सुदूरपश्चिमगायत देशका पहाडी भू–भागका केही ठाउँ तथा तराई भू–भागका थोरै स्थानमा मेघगर्जन र चट्याङसहित मध्यम वर्षाको सम्भावना छ ।
बागमती र गण्डकीका पहाडी भूभागका एक–दुई स्थानमा ठूलो पानी पर्ने सम्भावना रहेको महाशाखाले जनाएको छ ।
आज राति मधेश र सुदूरपश्चिमलगायत देशका पहाडी भूभागका थोरै स्थान तथा तराई भूभागका एक–दुई स्थानमा चट्याङसहित मध्यम वर्षाको सम्भावना रहेको छ ।
हाल देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ । मनसुनको न्यून चापीय रेखा सरदर स्थानको आसपास अवस्थित छ।
