११५ किलो बुद्धचित्तको दानासहित प्रहरीले ठमेलबाट दुई चिनियाँ नागरिकलाई पक्राउ गरेको छ । 

जिल्ला प्रहरी परिसर काठमाडौंको टोलीले उनीहरूलाई बुधबार राति ठमेलबाट नियन्त्रणमा लिएको हो । 

प्रहरीले उनीहरूको साथबाट १२ लाख ७० हजा रुपैयाँ समेत बरामद गरेको छ । 

उनीहरूबाट १२ लाख ७० हजार रुपैयाँ र बुद्धचित्त मापन गर्ने मेसिन समेत बरामद भएको परिसरका प्रवक्ता एवं प्रहरी उपरीक्षक अपीलराज बोहराले जानकारी दिए । 

पक्राउ परेका चिनियाँ नागरिकद्वय लिउ जिङगातो र लिउ झिआसुआईमाथि प्रहरीले थप अनुसन्धान थालेको छ । उनीहरू भिजिट भिसामा नेपाल आएका थिए ।