काठमाडौं, २६ मंसिर गत मंसिर १० र २१ गते सम्पन्न  निर्वाचन अन्तर्गतको प्रतिनिधिसभा तर्फ अब मात्रै ६ स्थानको नतिजा आउन बाँकी रहेको छ । 
  अब कैलाली २, स्याङ्जा १ स्याङ्जा २ सुनसरी ३ को नतिजा आउन बाँकी छ,  जहाँ एमालेको अग्रता रहेको छ  |
यस्तै  सर्लाही  ४  र कैलाली १ को पनि नतिजा आउन बाँकी रहेको छ । जहाँ राजपाको अग्रता रहेको छ । 

हालसम्म १५९ क्षेत्रको नतिजा आउँदा एमाले अग्रस्थानमा रहेको छ ।  एमालेले ७७ स्थानमा जीत हासिल गर्दा माओवादीले ३६ स्थानमा जीत हासिल गरेको छ ।  एमाले र माओवादीको गठबन्धन रहेको थियो । 
यस्तै कांग्रेसले २१, राजपाले १०,  संघीय समाजवादी फोरमले १० स्थानमा जित्दा अन्य साना दलले ५ स्थानमा जीत हासिल गरेका छन् ।