२३ जेठ २०८३, शनिबार
अमेरिकी उद्योगपति एलोन मस्कका दुई कम्पनीहरूले आधिकारिक रूपमा एप्पल र ओपनएआईविरुद्ध मुद्दा दायर गरेका छन् ।
उनीहरूले एप्पल र ओपनएआईले सम्भावित प्रतिस्पर्धीहरूबाट हुने खतरालाई रोक्न अवैध गठबन्धन बनाएको आरोप लगाएका हुन् ।
एक्स र एक्सएआईले एप्पलको कदमविरुद्ध अमेरिकामा मुद्दा दायर गरेका हुन्, जसअन्तर्गत यसले ओपनएआईको च्याटबटलाई आफ्नो अपरेटिङ सिस्टममा समावेश गरेको छ । एक्सले यो प्रतिस्पर्धा नियमहरूको उल्लङ्घन भएको बताएको छ ।
एक्सका मालिक मस्कले यस महिनाको शुरूमा दुई ठूला कम्पनीहरूविरुद्ध यस्तै उजुरी दायर गरेका थिए ।
एप्पलले अहिलेसम्म यसबारे कुनै टिप्पणी गरेको छैन ।
