१५ असार २०८३, सोमबार
न्यू इनर्जी भेइकल (एनईभी) निर्माता लिपमोटरले २०८२ भदौ ११ गतेसम्म ९ लाख वटा सवारी साधन वितरण पार गरेको घोषणा गरेको छ ।
लिपमोटरले यस वर्षको पहिलो छ महिनामा अभूतपूर्व प्रदर्शन देखाएको छ, जसले घरेलु तथा अन्तर्राष्ट्रिय बजार दुवैमा यसको बढ्दो गति र लोकप्रियता दर्शाउँछ । यसै वर्ष, लिपमोटरले ‘फोच्र्युन चाइना ५००’ सूचीमा आफ्नो पहिलो उपस्थिति पनि सुनिश्चित गरेको छ ।
लिपमोटरले आफ्नो नवीनता, पहुँचयोग्यता र विश्वव्यापी प्रतिस्पर्धात्मक क्षमताको बढ्दो प्रतिष्ठा यस उपलब्धिद्वारा पुष्टि गरेको छ । कम्पनीले स्तेलान्टिससँगको रणनीतिक साझेदारीमार्फत आफ्नो विश्वव्यापी उपस्थिति विस्तार गर्दैछ ।
यस साझेदारी अन्तर्गत लिपमोटर इन्टरनेशनल नामक संयुक्त उद्यम स्थापना गरिएको छ, जसले अन्तर्राष्ट्रिय बिक्री र वितरण व्यवस्थापनको जिम्मेवारी लिनेछ । लिपमोटरले युरोप, मध्यपूर्व र अफ्रिका तथा एशिया–प्रशान्त क्षेत्रका ३० भन्दा बढी अन्तर्राष्ट्रिय बजारमा आफ्नो विस्तार गरिसकेको छ ।
विश्वभरमा ६०० भन्दा बढी बिक्री तथा सेवा केन्द्रहरू स्थापना गरेर, कम्पनीले नयाँ उदीयमान विद्युतीय सवारीसाधन एनईभी ब्रान्डबीच विदेशी विस्तारको गति र परिमाणमा नयाँ मापदण्ड स्थापित गरेको छ।
नेपालमा, लिपमोटरले आकर्षक डिजाइन, आधुनिक सुविधा र किफायती मूल्यमार्फत ग्राहकहरूको ध्यान आकर्षित गर्दै आएको छ । कम्पनीको उत्पादन सी१० , बी१० र टी०३ गरी तीन मोडलहरू उपलब्ध छन् ।
सांग्रिला मोटर्स प्रालि, गोल्छा अर्गनिजेसन अन्तर्गत, सन् २०१७ देखि पूजो, २०२१ देखि सिट्रोन र २०२४ देखि लिपमोटरको एकमात्र अधिकृत आयातकर्ता रहेको छ ।
बजारको विकासशील आवश्यकताहरूसँग मेल खाने नवीन, स्टाइलिस र वातावरणमैत्री सवारी साधन ल्याउन प्रतिबद्ध रहेको कम्पनीले जनाएको छ ।
