राष्ट्रिय स्वतन्त्र पार्टी (रास्वपा) का नेता अरनिको पाँडेलाई प्रहरीले नियन्त्रणमा लिएको छ । उनीविरुद्ध दर्ता भएको साइबर अपराधसम्बन्धी उजुरीको आधारमा पक्राउ गरिएको हो ।

साइबर ब्युरोका प्रवक्ता प्रहरी वरिष्ठ उपरीक्षक (एसपी) दीपकराज अवस्थीका अनुसार एक महिलाले सामाजिक सञ्जालमार्फत आफूलाई अपशब्द प्रयोग गरेको भन्दै पाँडेविरुद्ध जाहेरी दिएकी थिइन् ।

जाहेरीपछि पाँडे बुधबार आफैं साइबर ब्युरोमा उपस्थित भएका थिए ।  पाँडेलाई बिहीबार म्याद थपका लागि अदालतमा उपस्थित गराइनेछ ।