प्रधानमन्त्री केपी शर्मा ओली र लाओ जनप्रजातान्त्रिक गणतन्त्रका राष्ट्रपति थोल्ङलौन सुसौलिथबीचसँग दुईपक्षीय भेटवार्ता भएको छ ।

सांघाई सहयोग संगठन (एससीओ) प्लस को शिखर सम्मेलनका क्रममा चीनको थियानजिनमा रहेका प्रधानमन्त्री ओलीले सोमबार बिहान लाओ जनप्रजातान्त्रिक गणतन्त्रका राष्ट्रपति  सुसौलिथबीचसँग दुईपक्षीय भेटवार्ता गरेका हुन् । 

भेटका अवसरमा दुई देशबीचको आपसी सम्बन्धका विविध पक्षहरूमा कुराकानी भएको थियो । 

भेटमा पूर्वउपप्रधान एवं प्रतिनिधिसभाका सदस्य पूर्णबहादुर खड्का, शिक्षा, विज्ञान तथा प्रविधि मन्त्री रघुजी पन्त, संस्कृति, पर्यटन तथा नागरिक उड्डयन मन्त्री बद्रीप्रसाद पाण्डे, पूर्वमन्त्री एवम् प्रधानमन्त्रीका आर्थिक तथा विकास सल्लाहकार डा. युवराज खतिवडा, पूर्वमन्त्री एवम् प्रतिनिधिसभाका सदस्य छविलाल विश्वकर्मा र परराष्ट्र सचिव अमृतबहादुर राईलगायत सहभागी थिए । 

ओलीले आजै रुसी राष्ट्रपति भ्लादिमिर पुटिनलाई पनि भेट्ने कार्यक्रम छ । 

चीनको थियानजिन मेइजियान सम्मेलन केन्द्रमा  आइतबारबाट शुरू भएको सम्मेलनमा प्रधानमन्त्री ओलीसहित सहभागी मुलुकका राष्ट्र प्रमुख तथा सरकार प्रमुखले आज सम्बोधन गर्ने कार्यक्रम रहेको छ  ।