०१ साउन २०८३, शुक्रबार
काठमाडौं, १३ पुस– रुसको सेन्ट–पिटर्सबर्गस्थित एक सुपरमार्केटमा भएको विस्फोटमा १० जना घाइते भएका छन् । विस्फोटमा घाइते भएकामध्ये एक जनाको अवस्था गम्भीर रहेको सरकारी अधिकारीले बताएका छन् ।
सेन्ट पिटर्सबर्गस्थित पेरेक्रेस्तोक सुपरमार्केटको ब्यागहरु राख्ने लकर रहेको ठाउँमा विस्फोट भएको बताइएको छ । घटनामा रिमोट कन्ट्रोलबाट सञ्चालित आधुनिक विष्फोटक पदार्थ प्रयोग गरिएको बुझिएको छ ।
घटनाका विषयमा अनुसन्धान भइरहेको छ भने आतंकवादी संलग्नता समेत नकार्न नसकिने अधिकारीहरुले बताएका छन् ।
