०२ साउन २०८३, शनिबार
नेपालमा अग्रणी मोबाइल तथा कन्ज्युमर इलेक्ट्रोनिक्स ब्रान्डको रूपमा सशक्त सामसङ नेपालले 'सपनादेखि सम्भावनासम्म' नामक नयाँ अभियान सार्वजनिक गरेको छ।
यस अभियानले वैदेशिक रोजगारीमा रहेका नेपालीहरूको योगदानलाई उजागर गर्दै उनीहरूले परिवार र देशका लागि खेलेको महत्त्वपूर्ण भूमिकालाई सम्मान गर्ने कम्पनीले जनाएको छ । कम्पनीका अनुसार यसले सामसङको इनोभेसनमार्फत् जीवन जोड्ने उद्देश्यलाई पनि सशक्त बनाउँछ।
यस अभियानअन्तर्गत सामसङले “Samsung Remit मा Benefit” नामक पहल सार्वजनिक गरेको छ ।
जसले रेमिटेन्समा निर्भर परिवारलाई थप सहजता र लाभ प्रदान गर्ने लक्ष्य राखेको छ । यो अफर अप्रिल २४ देखि उपलब्ध हुनेछ।
रेमिटेन्सलाई नेपालको अर्थतन्त्रको प्रमुख आधार मान्दै यस अभियानले वैदेशिक रोजगारीमा रहेका नेपालीलाई राष्ट्र निर्माणका मुख्य आधारका रूपमा सम्मान गर्दछ ।
साथै, सामसङका एआई सक्षम डिभाइसहरूले उनीहरूको परिवारको दैनिक जीवनलाई अझ स्मार्ट, कनेक्टेड र अर्थपूर्ण बनाउँछन् । सामसङले सजिलो र सहज प्रयोग अनुभवमार्फत् जीवनलाई सरल बनाउने कम्पनीले जनाएको छ ।
कम्पनीका अनुसार यस पहलअन्तर्गत सामसङले IME Remit, Ncell, Khalti by IME र Hulas Fin Serve Ltd. सँग मिलेर सामसङका उत्पादन खरिदमा विशेष लाभहरू उपलब्ध गराएको छ।
यसमा Ncell रिचार्जमा बोनस डाटा, २४ महिनासम्मको सजिलो EMI, र Khalti मार्फत् क्यासब्याक जस्ता सुविधा समावेश छन्, जसले रेमिटेन्समा आधारित परिवारलाई थप मूल्य र सहजता दिनेछ। यो अफर विदेशबाट नेपालमा रकम पठाउने व्यक्तिहरूका लागि मात्र उपलब्ध हुनेछ।
यस अभियानले दीर्घकालीन विश्वसनीयता, वारेन्टी, र सहज इकोसिस्टम अनुभवका लागि आधिकारिक उत्पादन छनोट गर्ने महत्त्वलाई पनि जोड दिएको कम्पनीद्वारा जारी विज्ञप्तिमा भनिएको छ ।
