०७ असार २०८३, आइतबार
काठमाडौं २५ पुस–अदालतको अबहेलना मुद्दामा पक्राउ परेका डा गोविन्द केसीको बयान सर्वोच्च अदालतको इजालसमै हुने भएको छ । बयानका लागि बिहान ९ बजे नै अदालत पुराइएका केसीसंग शुरुमा अदालत प्रशासनले बयान लिने तयारी गरेको थियो ।
इजालसमै बयान लिने तयारी भएको सर्वोच्च प्रशासनले जानकारी दियो । यद्यपि केसी मुद्दाको इजालस तोकिएको छैन् । केसीको पक्षबाट अधिवक्ता डा सुरेन्द्र भण्डारी, ओमप्रकाश अर्याल, इन्दु तुलाधर लगायतले बहस गर्ने तयारी गरेका छन् ।
प्रधानन्यायाधीश गोपाल पराजुलीविरुद्ध अभिव्यक्ति दिएको भन्दै सर्वोच्च अदालतले डा केसीविरुद्ध सोमवार पक्राउ पूर्जी जारी गरेको थियो । सर्वोच्चको आदेश अनुसार प्रहरीले डा केसीलाई अनसन बसेकै स्थानबाट सोमवार नै पक्राउ गरेको थियो ।
केसी पक्राउको विरोधमा मंगलवार बिहान माइतीघर मण्डलामा प्रदर्शन भएको थियो । डा केसीलाई बिहान ९ बजे अगावै सर्वोच्च पुराइएपनि अहिले सम्म बयान लिने काम भएको छैन् ।
