१० असार २०८३, बुधबार
प्रधानमन्त्री एवं रास्वपाका वरिष्ठ नेता वालेन्द्र शाह (बालेन)ले सरकार एक्सप्रेस वेमा हिँडेकाले गन्तव्यमा पुगेर मात्र रोकिने टिप्पणी गरेका छन् । सरकार अनियन्त्रित पनि नरहेको भनाइ छ ।
रास्वपा महाधिवेशनको उद्घाटन समारोहलाई सम्बोधन गर्दै प्रधानमन्त्री बालेनले सरकार सन्तुलित ढंगले अगाडि बढेको बताएका हुन् ।
‘सुझाव सल्लाह दिएर चिन्ता लिनुभएको छ । सरकारको गाडीमा एक्सिलेटर मात्र होइन ब्रेक पनि हुन्छ भन्ने कुरा आए,’ बालेनले भने, ‘लोकल रोडमा हिँड्दा ब्रेक लगाउनुपर्छ, हाम्रो गाडी एक्सप्रेस वेमा हिँडेको गाडी गन्तव्यमा पुगेपछि मात्र ब्रेक लाग्छ । गन्तव्यमा पुग्नु अघि ब्रेक लगाउन जरुरी हुँदैन अनियन्त्रित छैन, वातावरण मिलेर गएको छ । चिन्ता लिनुभएकोमा धन्यवाद ।’
त्यसअघि एमाले नेता प्रदीप ज्ञवालीले सरकारलाई गाडीसँग तुलना गर्दै ब्रेक नलागे दुर्घटनामा पर्नसक्ने बताएका थिए ।
