१२ साउन २०८३, मंगलबार
आन्दोलनरत लघुवित्त पीडित बालुवाटार नजिक पुगेर प्रदर्शन गरेका छन् । माइतीघरबाट ‘राजधानी मार्च’को ब्यानरसहित प्रदर्शन गर्दै उनीहरू निषेधित क्षेत्र बालुवाटार पुगेका हुन् ।
बालुवाटारमा लघुवित्तको नियामक निकाय नेपाल राष्ट्र बैंकको केन्द्रीय कार्यालय छ ।
राष्ट्र बैंकतर्फ अगाडि बढेका प्रदर्शनकारीलाई बालुवाटारको पीपलबोटमा प्रहरीले ब्यारिकेड राखेर रोकेको छ ।
सशस्त्र प्रहरीसमेत परिचालन गरेर उनीहरूलाई अघि बढ्न दिइएको छैन । उनीहरू सडकमै बसेर नाराबाजीका साथै सभाको आयोजना गरेका छन् ।
तस्वीरहरू : नेपाल फोटो लाइब्रेरी
