२४ जेठ २०८३, आइतबार
‘म असी हजार रुपैयाँमा बेचिए
‘मलाई डेढ लाख रुपैयामा बेचे’
‘मलाई पाँच लाख रुपैयाँमा बेचिएको थियो’
यो कुनै उत्पादनको दाम होइन । यो ती युवतीहरुको वास्तविकता हो जो दलालका कारण देह व्यपारमा बेचिएका छन् ।
भारत आन्ध्र प्रदेशकी रायलसीमा क्षेत्रको अनन्तपुर र कुडप्पा जिल्ला सुख्खाका कारण नराम्ररी प्रभावित भएको छ ।
यस जिल्लाबाट युवतीहरु दिल्ली, मुम्बइ तथा पुणे जस्ता शहरका लागि तस्करी भइरहेका छन् ।
बीबीसीले अनन्तपुर जिल्लाका तीन महिलासँग कुराकानी गरेको छ जो शरीर बेच्नुपर्ने धन्धाबाट स्वतन्त्र भएका छन् ।
यी युवतीहरु लामो समयदेखि शारीरिक तथा भावनात्मक पीडा झेलेर बसेका थिए ।
रमा देवीलाई दलालले महाराष्ट्रमा ८० हजारमा बेचेका थिए । त्यहाँ आउने ग्राहकलाई खुसी पार्नु उनको काम थियो । उनलाई ग्रहकसँग घिनौना काम गर्नुपर्ने हुन्थ्यो । विद्रोही स्वभावका उनको घरमा ६ वर्षको छोरीसमेत थिइन् । एकजना चिनेको महिलासँग सिनेमा हेर्न गएकी उनी विउझिदा महाराष्ट्रमा थिइन् । पछि उनी त्यहाँबाट निस्कन सफल भइन् ।
पार्वती
पार्वतीका दुई बच्च छन् । घर चलाउन आर्थिक समस्या परेपछि उनी साउदी अरब गइन् । तर दलाले उनलाई रोजगारी दिने भन्दै पठाएका थिए तर उनी बेचिएकी रहिछिन् ।
साउदी अरबको एक घरमा उनलाई राखिएको थियो । त्यस घरमा कयौं पुरुष हुन्थे । एक ९० वर्षको व्यक्तिले आफ्नो बलात्कार गर्न खोजेको उनले बताइन् । त्यसको चंगुलबाट आफू जसरी तसरी निस्किएको उनले बताइन् ।
अर्को दिन घरका मालिकाका छोराले उनको बलात्कार गरेको थियो । आफ्नो छोराजस्तै उमेरको मालिकको छोरासँग सुत्न उनका परिवारले बाध्य पारेका थिए । नमाने शरीरमा चुरोटहरु झोस्थे ।
आफ्नो छोरा सरहको केटासँग सुत्न परेको थियो पार्वतीलार्इ । उसले अाफूलार्इ बलात्कार गर्दा उसको वुवा मोबाइलमा पोर्न भिडियो देखाइरहेको हुन्थ्यो ।
एक हप्तासम्म उनीहरुले आफूलाई खान नदिएको उनले बताइन् । अत्याचार सहन नसकि उनले आत्महत्या गर्ने सोच बनाए पनि सफल नभएको बताइन् । अन्तिममा आफू प्रहरीको डर देखाएर भाग्न सफल भएको उनले बताइन् ।
बीबीसी हिन्दीबाट
