काठमाडौं, ९ फागुन — एक ओभरमा बलरले कति रन दिनसक्छ ? अधिकतम ३६ रन भन्न सक्नुहुन्छ । 

तर क्रिकेटको इतिहासमा एक बलरले जम्मा पाँच बलमा ७७ रन लुटाएका थिए । न्युजील्यान्डका फास्ट बलर बर्ट वेन्सेले क्राइस्टचर्चमा भएको एक फर्स्ट क्लास म्याचमा यति धेरै रन दिएका थिए । 

वेलिङटन्स शेल ट्रफी म्याचका क्रममा यस्तो स्थिति आएको हो । यो म्याच केन्टरबरी र वेलिङटनका बीच भएको थियो । 

म्याचको अन्तिम दिनमा वेलिङटन टीमले केन्टरबरीलाई ५९ ओभरमा २९१ रनको लक्ष्य दिएको थियो । लक्ष्य पछ्याउने क्रममा केन्टरबरी टीमले १०८ रनमा आठ विकेट गुमाएको थियो । 

टीमलाई जीतका लागि दुई ओभरमा ९५ रन आवश्यक भयो र ऊ जीतबाट धेरै पर थियो । तर बलिङ गर्न आएका बर्ट वेन्सेले म्याचको दिशा नै परिवर्तन गरिदिए । 

बर्टले यो ओभरमा धेरै नोबल फाल्दै २२ बल फ्याँके । पाँचवटा लिगल बल थियो भने १७ वटा नोबल थियो । 

त्यसै ओभरमा ब्याट्स्म्यानले आठ छक्का र चार चौका हाने । बर्टले शुरूका १७ बलमा जम्मा एक बल लिगल फालेका थिए । 

पाँच सही बल फालेपछि अम्पायरले उनको ओभर सिध्याए ।

केन्टरबरीको टीमलाई जीतका लागि अन्तिम दुई ओभरमा ९५ रन बनाउनुपर्ने थियो । बर्टको ओभरमा ७७ रन बनेपछि जीतको अन्तर कम भएर १८ रनमा झ–यो ।

अन्तिम ओभरमा ब्याट्स्म्यान ली जर्मन र रोजर फोर्डले १७ रन बनाए अनि म्याच ड्र भयो ।

एजेन्सी