काठमाडौं, १० फागुन– पाकिस्तानका पूर्वप्रधानमन्त्री नवाज सरिफ सत्तारुढ दल पाकिस्तान मुस्लिम लिग–नवाजको अध्यक्षका रुपमा रहिरहन नमिल्ने सर्वोच्च अदालतले फैसला गरेको छ । प्रधानन्यायाधीन मेन साक्विब निसारको नेतृत्वमा रहेको इजलासले यो फैसला गरेको हो ।

यसअघि गतवर्ष सर्वोच्च अदालतले नवाज सरिफलाई पनामा लिक्स प्रकरणमा दोषी ठहर गरेको थियो । सर्वोच्च अदालतको फैसलापछि सरिफले प्रधानमन्त्रीबाट राजीनामा दिएका थिए ।

जेलमा राखिएका कुनै पनि व्यक्तिले आधिकारिक दस्तावेजमा हस्ताक्षर गर्न नमिल्ने भएकाले सिरिफले अध्यक्षका रुपमा कुनै पनि निर्णय गर्न र काम गरिरहन नमिल्ने अदालतको ठहर छ । प्रधानमन्त्रीबाट हटिसकेपछि उनको पार्टीले सरिफलाई नै अध्यक्ष बनाएको थियो ।