०६ असार २०८३, शनिबार
काठमाडौं, १४ फागुन — श्रीदेवीको मृत्युको पोस्टमार्टम रिपोर्ट यूएईको भारतीय राजदूतावासलाई सुम्पिइएको छ ।
पोस्टमोर्टमको विस्तृत जानकारी दिइएको छैन । सूत्रहरूका अनुसार, श्रीदेवीको मृत्यु बाथटबमा डुबेर भएको हो ।
प्रहरीका अनुसार, भारतीय उच्चायोगको प्रक्रिया पूरा भएपछि पार्थिव शरीर भारत लगिनेछ । शरीर उनको घर वर्सोवामा लगिनेछ । पूरा घरलाई सेतो फूलले सजाइएको छ ।
श्रीदेवीको पोस्टमोर्टम आइतवार नै भएसकेको थियो तर रिपोर्ट आउन ढिलो भयो । त्यसैले गर्दा उनको मृत्यु प्रमाणपत्र पनि ढिलो बन्यो । राति अबेर श्रीदेवीको शरीर मुम्बई ल्याइने सम्भावना रहेको बताइएको छ ।
श्रीमतीको मृत्युपछि बोनी कपूर बच्चाहरूले जस्तै रोएको बताइएको छ ।
यसैबीच गल्फ न्युज वेबसाइटले प्रकाशित गरेको खबरअनुसार श्रीदेवीको शरीरमा अल्कोहलको मात्रा भेटिएको थियो ।
एजेन्सी
