०१ असार २०८३, सोमबार
काठमाडौं, १५ फागुन — साउदी अरबले सोमवार राति शाही आदेश जारी गरेर सबै प्रमुख सैनिक अधिकारीलाई बर्खास्त गरिदिएको छ । सेनाप्रमुख समेत निकालिएका छन् ।
वायुसेना र स्थलसेनाका उच्च अधिकारीहरू पनि निकालिएका हुन् ।
अनि कैयौं उपमन्त्रीहरू नियुक्त गरिएका छन् । यी नयाँ नाममा तमादुर बिन्त यूसुफ अल रमाह नामक महिला उपमन्त्री पनि छिन् ।
साउदीमा कुनै महिला उपमन्त्री बन्नु सामान्य कुरा होइन ।
यमनमा साउदी नेतृत्वमा गठबन्धन सेनाले विद्रोहीहरूका साथ लडाईं गरेको तीन वर्ष पूरा हुन लागेको छ ।
साउदी हस्तक्षेपका कारण हूती विद्रोहीहरू देशको दक्षिण भागमा सीमित भएका छन् तर राजधानी सना र अन्य इलाकामा डटिरहेका छन् ।
लगभग तीन वर्षदेखि साउदी सेना यमनमा लडिरहेकाले देशको अर्थव्यवस्थामा अतिरिक्त बोझ परेको छ । यसका साथै हूती विद्रोहीहरूले साउदीको राजधानी रियादमा क्षेप्यास्त्र हान्ने धम्की पनि दिएका छन् ।
बीबीसीबाट
