काठमाडौं, २१ फागुन– रौतहटमा चार वर्षीय वालिकालाई बलात्कार गरेको अभियोगमा १८ वर्षीय युवा पक्राउ परेका छन् । 

इलाका प्रहरी कार्यलय गरुणाले रौतहतको गढीमाई नगरपालिका ७ का १८ वर्षीय फैजान अन्सारीलाई बालिका बलात्कारको अभियोगमा पक्राउ गरेको हो । 

घरमा एक्लै भएको समयमा अन्सारीले बालिकालाई बलात्कार गरेको इलाका प्रहरी कार्यलय गरुणाका प्रहरी निरीक्षक गोबिन्द थापाले लोकान्तरलाई बताए । ‘१५ गते बालिकामाथि जबर्जस्ती करणी भएको रहेछ’ थापाले भने,‘१६ गते बालिकाको आफन्तले उपचार गर्न लगेका रहेछन् । अस्पतालले हामीलाई जानकारी गराएपछि अनुसन्धानको क्रममा अन्सारीलाई पक्राउ गरिएको हो ।’

पक्राउ परेका अन्सारीले बालिकामाथि जबर्जस्तीकरणी गरेको स्वीकार गरेको प्रहरीले बताएको छ । अन्सारीमाथि ५ दिनको म्याद थप गरी थप अनुसन्धान भइरहेको प्रहरी निरीक्षक थापाले जानकारी दिए । बालिकामाथि बलात्कार गर्ने अन्सारी पक्राउ परेपछि बालिकाको आफन्तले प्रहरीमा जाहेरी दिएका छन् । बलात्कृत भएकी ४ वर्षिया बालिकाको विरगञ्ज अस्पतालमा उपचार भइरहेको छ ।