काठमाडौं, २१ फागुन– दुई दिने नेपाल भ्रमणमा निस्किएका पाकिस्तानी प्रधानमन्त्री साहिद खाकन अब्बासी काठमाडौं आइपुगेका छन् । 

अब्बासी ३० सदस्यीय प्रतिनिधि मण्डलको नेतृत्व गर्दै सोमवार दिउँसो काठमाडौं आइपुगेका हुन् । अब्बासी पाकिस्तानी हवाइ सेना (एयर फोर्स)को विमानबाट त्रिभुवन अन्तर्राष्ट्रिय विमानस्थलमा ओर्लिएका हुन् । 

अर्थमन्त्री डा. युवराज खतिवडाले पाकिस्तानी प्रधानमन्त्री अब्बासीको स्वागत गरे । प्रधानमन्त्री अब्बासीको सम्मानमा आजै साँझ ५ बजे नेपाली सेनाले ‘गार्ड अफ अनर’ प्रदान गर्नेछ । 

नेपाल म्रमणका क्रममा अब्बासीले राष्ट्रपति भण्डारी, प्रधानमन्त्री केपी ओली, नेकपा माओवादी केन्द्रका अध्यक्ष प्रचण्डलगायतलाई भेट्ने कार्यक्रम छ ।